Endokrinoloq qəbulu
Anamnez, fiziki müayinə və hədəflənmiş laborator qiymətləndirmə ilə tam endokrinoloji baxış.
ƏtraflıQalxanabənzər vəzin (tiroidin) ultrasəs müayinəsi
Qəbul zamanı həkim tərəfindən icra olunan tiroid USM-i.
Qısa cavab
Qalxanabənzər vəzin ultrasəs müayinəsi (USM) səs dalğaları ilə boyun nahiyəsindəki vəzin ölçüsünü, yerləşməsini, strukturunu, qanlanmasını və düyünlərin xarakteristikasını qiymətləndirən müayinə üsuludur. Tiroid düyünlərinin və struktur dəyişikliklərinin aşkarlanmasında əsas müayinə üsulu sayılır.
Kimə lazımdır?
- Boyunda şişkinlik, kütlə hissi və ya ağrı olanlara
- Udmada çətinlik, səsdə dəyişiklik olanlara
- Tiroid hormon göstəriciləri normadan kənar çıxanlara
- Anti-TPO və ya digər tiroid antitelləri yüksək olanlara
- Ailəsində tiroid xəstəliyi və ya tiroid xərçəngi olanlara
- Əvvəllər düyün aşkarlanmış və müşahidədə olan xəstələrə
- Hamiləlik planlayan və hamilə qadınlara — göstəriş olduqda
Niyə həkim müayinəni özü icra edir?
Dr. Günel Musayeva qalxanabənzər vəzin ultrasəs müayinəsini qəbul zamanı özü aparır. Bunun səbəbi klinik əlamətlərlə görüntünün eyni anda dəyərləndirilməsidir: xəstənin şikayətini dinləyən, boynunu əlləyən və eyni zamanda ekranda vəzin quruluşunu görən həkim düyünün xarakterini, qanlanmasını və şübhəli əlamətlərini birbaşa qiymətləndirə bilir.
Necə aparılır?
- Boyun nahiyəsinə xüsusi gel çəkilir
- Ultrasəs datçiki boyun boyunca hərəkət etdirilir
- Vəzin ölçüsü, strukturu, düyünlərin sayı, ölçüsü, quruluşu və qanlanması qiymətləndirilir
- Nəticə klinik əlamətlər və laborator göstəricilərlə birlikdə şərh edilir
Hazırlıq
Xüsusi hazırlıq tələb olunmur:
- Ac və ya tox olmağın fərqi yoxdur
- Müayinədən əvvəl və ya sonra heç bir hazırlıq gərək deyil
- Şüalanma yoxdur — səs dalğaları ilə aparılır
- Uşaqlarda, yaşlılarda və hamilə qadınlarda təhlükəsiz sayılır
Bu saytdakı məlumat maarifləndirmə məqsədi daşıyır, fərdi diaqnoz və müalicə göstərişi deyil və həkim müayinəsini əvəz etmir. Təcili tibbi vəziyyətdə 103 nömrəsinə müraciət edin.
Sual-Cavab
Tez-tez verilən suallar
USM tək başına diaqnoz qoymaq üçün kifayətdirmi?
Xeyr. Diaqnoz klinik şikayətlər, ultrasəs müayinəsi və laborator testlərin birlikdə dəyərləndirilməsi ilə qoyulur. Bəzi hallarda əlavə olaraq incə iynə aspirasion biopsiya və ya ssintiqrafiya tələb olunur.
Ultrasəsdə düyün göründü — bu qorxuludurmu?
Əhalinin böyük hissəsində qalxanabənzər vəz düyünü rast gəlinir və onların əksəriyyəti xoşxassəlidir. Vacib olan düyünün ölçüsü deyil, ultrasəs xarakteristikası və hormonal aktivliyidir. Şübhəli əlamətlər varsa biopsiya tövsiyə olunur.
Müayinə ağrılıdırmı?
Xeyr, ultrasəs müayinəsi ağrısızdır. Yalnız boyun nahiyəsində ağrı olan xəstələrdə (məsələn, yarımkəskin tiroiditdə) datçikin toxunuşu narahatlıq verə bilər.
Digər istiqamətlər
Fəaliyyət istiqamətləri
Şəkərli diabetin idarə olunması
Diaqnozdan uzunmüddətli təqibə qədər: dərman seçimi, hədəf göstəricilər, ağırlaşmaların erkən aşkarlanması.
ƏtraflıÇəki idarəetməsi və piylənmənin müalicəsi
Çəki artımının səbəbi araşdırılır; həyat tərzi, tibbi müalicə və lazım gəldikdə cərrahi yönləndirmə.
ƏtraflıTiroid incə iynə aspirasion biopsiyası
Şübhəli düyünlərdə xoşxassəli/bədxassəli fərqinin dəqiqləşdirilməsi.
Ətraflı